U hetyja vychadnyja dni ŭ Biełarusi budzie ŭmierana ciopłaje nadvorje z navalnicami i mocnymi daždžami, paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžańnia i manitorynhu navakolnaha asiarodździa Dźmitryj Rabaŭ.
«U vychadnyja dni nadvorje ŭ krainie ŭ asnoŭnym buduć farmiravać atmaśfiernyja franty, jakija rušać z paŭdniovaha zachadu Jeŭropy i padzielać krainu na dva łahiery: chaładniej na paŭnočnym zachadzie i pa-raniejšamu bolš ciaplej pa paŭdniovym uschodzie», — paviedamiŭ sinoptyk.
U subotu na bolšaj častcy terytoryi karotkačasovyja daždžy, u asobnych rajonach navalnicy, mocnyja daždžy. Tempieratura pavietra nočču plus 10—16°S, pa paŭdniovym uschodzie da plus 18°S, dniom plus 16—23°S, pa paŭdniovym uschodzie plus 24—29°S. U Minsku vobłačna z prajaśnieńniami, karotkačasovyja daždžy, mahčymaja navalnica. Viecier pieramiennych napramkaŭ nočču słaby, dniom 3—8 m/s, pry navalnicy paryvy da 14 m/s. Tempieratura pavietra nočču plus 13—15°S, dniom plus 16—18°S.
U niadzielu pieravažna pa paŭdniova-ŭschodniaj pałovie krainy karotkačasovyja daždžy, miescami mocnyja. U asobnych rajonach navalnicy. Tempieratura pavietra nočču plus 7—14°S, pa paŭdniovym uschodzie da plus 16°S, dniom plus 15—22°S, pa paŭdniovym uschodzie Homielskaj vobłaści plus 23—26°S. U Minsku vobłačna z prajaśnieńniami, karotkačasovy doždž. Tempieratura pavietra nočču plus 10—12°S, dniom plus 16—18°S.
Rabaŭ zaznačyŭ, što ŭ pačatku nastupnaha tydnia značnaja častka krainy budzie znachodzicca ŭ poli panižanaha atmaśfiernaha cisku, sfarmiravanym u pavietranaj masie ŭmieranych šyrotaŭ, i tolki na paŭdniovym uschodzie Biełarusi zachavajecca ŭpłyŭ bolš ciopłaha pavietra paŭdniovych šyrotaŭ.
U paniadziełak miescami karotkačasovyja daždžy, u asobnych rajonach navalnicy. Tempieratura pavietra nočču plus 8—15°S, dniom plus 15—22°S, pa paŭdniovym uschodzie da plus 25°S. U Minsku vobłačna z prajaśnieńniami, karotkačasovy doždž. Tempieratura pavietra nočču plus 12—14°S, dniom plus 15—17°S.
