Žurnalist «Našaj Nivy» pabačyŭ u dziaržaŭnych kniharniach Minska sieryju sšytkaŭ, vykananych u histaryčnaj stylistycy: na vokładcy — Mindoŭh, Barbara Radzivił, Pavieł Sapieha, Francysk Skaryna.
Padpisanyja histaryčnyja dziejačy pa-biełarusku.
Pavieł Sapieha braŭ udzieł u kampanii suprać Maskoŭskaj dziaržavy 1609—1611 hh. pa viartańni Smalenska. Padčas abłohi straciŭ ruku. Ź imiom Paŭła Sapiehi źviazanyja lehiendy Halšanskaha zamka.
«Hetyja sšytki źjavilisia ŭ prodažy sioleta, pierad navučalnym hodam», — skazała pradavačka ŭ adnoj z kram i adznačyła, što popyt na ich jość.
U drukarni-vytvorcy «Našaj Nivie» paviedamili, što mara pra sieryju sšytkaŭ z histaryčnymi asobami vyśpiavała ŭ ich daŭno, ale ažyćciavić jaje atrymałasia tolki ciapier.
Pieršapačatkovy nakład patryjatyčnych sšytkaŭ — 5 tysiač. Ich raspaŭsiudam zajmajecca Biełkniha i «Biełsajuzdruk».
Malunki dla sšytkaŭ malavała mastačka Iryna Zielanieŭskaja.
