Foto VitalyKuzmin
Čatyry rasijskich źniščalniki Su-27 užo prybyli ŭ Siryju. Pakul niezrazumieła, jak hetyja samaloty buduć vykarystoŭvacca na terytoryi krainy, paviedamlaje CNN sa spasyłkaj na krynicy ŭ Pientahonie.
Vydańnie Wall Street Journal taksama paviedamlaje pra prybyćcio rasijskich źniščalnikaŭ u Siryju i adznačaje, što jany prylacieli za niekalki hadzin da pieramovaŭ ministraŭ abarony ZŠA i Rasii.
Adzin z amierykanskich čynoŭnikaŭ na ŭmovach ananimnaści paćvierdziŭ vydańniu Reuters, što čatyry taktyčnych rasijskija źniščalniki byli adpraŭlenyja ŭ Siryju.
Raniej kiraŭnik siryjskaha MZS Valid al-Mualem zajaviŭ, što Siryja moža źviarnucca da Rasii z prośbaj dasłać vojski, kali ŭźniknie takaja nieabchodnaść, adnak ciapier rasijskija vajskoŭcy ŭ krainie nie vajujuć.
Raniej kiraŭnik MZS RF Siarhiej Łaŭroŭ zajaviŭ, što Rasija pradoŭžyć pastaŭlać vajennuju techniku ŭ Siryju, kab zabiaśpiečyć naležnuju abaranazdolnaść krainy.