Śledčy Upraŭleńnia Śledčaha kamiteta pa horadzie Minsku D.A.Kupka admoviŭ u chadajnictvie Alesia Michaleviča ab spynieńni kryminalnaj spravy suprać jaho.
Michalevič padaŭ svajo prašeńnie ab spynieńni spravy paralelna ź viartańniem u Biełaruś.
Jon zastajecca apošnim čałaviekam ź niezakrytaj kryminalnaj spravaj pa padazreńni ŭ datyčnaści da nibyta «masavych biesparadkaŭ» u dzień prezidenckich vybaraŭ 2010 hoda.
U 2011 hodzie Michaleviča vypuścili z turmy pad padpisku pra niavyjezd. Paźniej jon zajaviŭ, što ŭ viaźnicy KDB jaho katavańniami zmusili pahadzicca na sakretnaje supracoŭnictva sa śpiecsłužbaj. Praź niekatory čas paśla svaich vykryćciaŭ jon tajemnym čynam pakinuŭ Biełaruś. Viarnuŭsia jon u vieraśni 2015 paśla vyzvaleńnia biełaruskich palitviaźniaŭ.