Biełaruś bolš čym u dva razy pavialičyła pastaŭki sadaviny ŭ Rasieju za hod dziejańnia embarha na pradukty, uviedzienaha ŭ žniŭni 2014 hoda.
Pry hetym kraina pieratvaryłasia ŭ najbujniejšaha pastaŭščyka kivi na rasijski rynak, paviedamlaje TASS sa spasyłkaj na dadzienyja dakładu ekśpiertaŭ partała FruitNews.
Pavodle acenak aŭtaraŭ dakładu, za hod dziejańnia režymu kontrsankcyj Biełaruś zaviezła ŭ Rasieju 672,1 tys. ton sadaviny, tady jak hodam raniej pastaŭki sadaviny składali 325,1 tys. ton. Pastaŭki hrušaŭ pavialičylisia ŭ 2,84 razu, da 96 tys. ton; jabłykaŭ — na 96% (337 tys. ton); cytrusavych — na 60%, da 27 tys. t.
Choć kivi nie rastuć u Biełarusi, kraina vyjšła na pieršaje miesca pa pastaŭkach hetaj sadaviny ŭ Rasieju: pryrost skłaŭ 151% pry abjomie 10 tys. ton. Usiaho, havorycca ŭ dakładzie, Rasija impartavała 53 tys. ton kivi, pieradaje RBK.
Akramia Biełarusi, paśla ŭviadzieńnia antysankcij značna pavialičyli abjomy pastavak sadaviny ŭ Rasiju Turcyja i Sierbija.
