Braty emira niasuć jaho cieła. Fota: EPA/EMIRATES NEWS AGENCY
Starejšy syn praviciela Dubaja i premjer-ministra Abjadnanych Arabskich Emirataŭ (AAE) Muchamieda bien Rašyda Al Maktuma — šejch Rašyd nie pamior ad sardečnaha prystupu, a zahinuŭ u chodzie bajavych dziejańniaŭ na terytoryi Jemiena.
Z takim śćviardžeńniem vystupiła iranskaje ahienctva «Fars», spasyłajučysia na zajavy infarmavanych krynic i śviedčańni vidavočcaŭ.
«Šejch Rašyd i jašče niekalki vajskoŭcaŭ AAE byli zabityja ŭ vyniku artyleryjskaha abstrełu z boku (prychilnikaŭ šyickaha ruchu) «Ansar Ałach» u jemienskaj pravincyi Maryb», — adznačaje ahienctva. Heta ž viestku paćviardžajuć i vidavočcy, jakija ŭdzielničali ŭ bajavych dziejańniach u vyznačanym rajonie Jemiena.
U subotu aparat kiraŭnika ŭrada AAE abviaściŭ pra śmierć starejšaha syna praviciela Dubaja ad sardečnaha prystupu. Šejch Rašyd bien Muchamied Al Maktum, havaryłasia ŭ paviedamleńni, pamior va ŭzroście 34 hadoŭ. Ułady Emirataŭ nie raskryvajuć detalaŭ.
