Raśsielhasnahlad źviarnuŭsia ŭ ministerstva sielskaj haspadarki i charčavańnia Biełarusi z prośbaj rastłumačyć pachodžańnie papai, a taksama cytrusavych i bachčavych z krainy.
U paviedamleńni havorycca, što pastaŭki sałaty-łatuk, cytrusavych, bachčavych, papai, jabłykaŭ i inšaj pradukcyi biełaruskaha pachodžańnia ŭzraśli bolš čym u dva razy. Raśsielhasnahlad źviartaje taksama ŭvahu na toje, što «vyrablenuju» ŭ Biełarusi pradukcyju pastaŭlali u niecharakterny pieryjad vyśpiavańnia.
Taksama viedamstva paviedamlaje, što biełaruskija kłubnicy, ažyny i maliny majuć status pachodžańnia z trecich krain.
«Z metaj abarony terytoryi Rasijskaj Fiederacyi ad zanosu i aklimatyzacyi škodnych arhanizmaŭ z ulikam ryzyk, źviazanych z uvozam padkarancinnaj pradukcyi «sumnieŭnaha» pachodžańnia Raśsielhasnahlad znoŭ źviarnuŭsia ŭ adras Ministerstva sielskaj haspadarki i charčavańnia Respubliki Biełaruś pa hetym pytańni», — havorycca ŭ paviedamleńni Raśsielhasnahladu.