Amierykanski telekanał Fox nabyŭ pravy na ekranizacyju ramana Ahaty Kryści «Dziesiać niehrycianiat». Tieleadaptacyjaj zojmiecca režysior Morten Tyldum, jaki źniaŭ «Hulniu ŭ imitacyju».
Detali prajekta pakul nie ŭdakładniajucca, jak i daty relizu. Mahčyma, tvor ekranizujuć u vyhladzie mini-sieryjała. Praktyčna adnačasova Fox budzie pracavać nad televiersijaj «Zabojstva va Uschodnim ekspresie» pavodle adnajmiennaha ramana Kryści z režysioram Kienietam Branaj.
Jak adznačaje vydańnie, nad mini-sieryjałam «Dziesiać niehrycianiat» («I nikoha nie stała») pracuje taksama brytanski telekanał BBC One.
U pačatku vieraśnia 2015 čytačy z usiaho śvietu ŭ anłajn-hałasavańni pryznali «Dziesiać niehrycianiat» najlepšym ramanam Ahaty Kryści. Kniha nie ŭvachodzić u bujnyja cykły piśmieńnicy ab syščyku Erkiulu Puaro i mis Marpł.
