Adździaleńnie najnoŭšaj historyi Biełaruskaha Kalehijumu zaprašaje Vas ŭ vandroŭku «Biełaruś i Litva ŭ XX st. - šlach da volnaści», jakaja adbudziecca 16-18 kastryčnika 2015 h.
Razam ź biełaruskimi i litoŭskimi historykami Alaksiejem Łastoŭskim, Ruścisam Kamuntavičusam i Tomašam Błaščykam my naviedajem Vilniu, Koŭna, Pabierža, Šaŭlaj dy inšyja miaściny Letuvy, źviazanyja z historyjaj pakutaŭ, supracivu i nacyjanalnaha adradžeńnia XX st.
Padčas vandroŭki my pabyvajem u muziei achviaraŭ hienacydu ŭ byłym budynku KDB u Vilni, u parku Tuskulenu (anałahu našych Kurapataŭ), na mohiłkach Rosy (miesca pachavańnia vybitnych dziejačoŭ biełaruskaj i litoŭskaj kultury i nacyjanalnych ruchaŭ), u muziei 9-ha forta ŭ Koŭnie, muziejach Česłava Miłaša ŭ Šetejniach i antysavieckaha supracivu ŭ Pabieržy dy na znakamitaj hary kryžoŭ u Šaŭlai.
U samich stalicach — Vilni i Koŭnie — nas čakajuć vandroŭki, pryśviečanyja biełaruskamu nacyjanalnamu adradžeńniu XX st.
U muziei achviar hienacydu (KDB) u Vilni płanujecca sustreča-sieminar, pryśviečany trahičnym staronkam našaj najnoŭšaj historyi z udziełam žyvych śviedkaŭ padziejaŭ.
Bonusam, źviazanym z historyjaj nie stolki XX stahodździa, ale z našmat bolš sivoj daŭninoj, stanie naviedvańnie staražytnych radziviłaŭskich Kiejdanaŭ.
Unioski na 3-chdzionnuju vandroŭku składuć 140 jeŭra ŭklučna z:
- prajezdam u aŭtobusie,
- raspoviadam našych cudoŭnych historykaŭ,
- naviedvańniem usich vyšejpieraličanych muziejaŭ,
- 2-ma načavańniami ŭ kovienskim hateli «Metrapolis» (dzie ŭ svoj čas mieściŭsia ŭrad BNR), i adpaviedna z 2-ma śniadankami,
- z abiedam u Kiejdanach.
Studentam Biełaruskaha Kalehijumu, a taksama ŭsim studentam i navučencam — źnižka 20 jeŭra.
Vizy bieskaštoŭnyja dla ŭsich udzielnikaŭ.
Dla zapisu na vandroŭku nieabchodna dasłać na hety je-mail ([email protected]) svaje dadzienyja:
- Imia i proźvišča łacinkaj jak u pašparcie
- Numar pašpartu (nie starejšaha za 10 hod)
- Datu naradžeńnia
- źviestki pra patrebu ŭ vizie
- svoj je-mail i kantaktny telefon.
Usia dadatkovaja infarmacyja pa teł.: +375291342804, +375255458430 (Valeryja).
