30 vieraśnia ŭ Minsku, u miežach 37-j vystavy «BiełTEKŚlehpram. Vosień-2015», prajšoŭ pakaz biełaruskaha adzieńnia. Navinki siezona prezientavali «Kamintern», Centr mody, «Paleśsie», «Kupalinka», «Biełmastacpromysły» i inšyja pradpryjemstvy. Nacyjanalny ŭzor pa-raniejšamu ŭ trendzie.
Pavodle słoŭ pradstaŭnika kampanii «Paleśsie», trykatažnyja sukienki z nacyjanalnym uzoram źjaviacca ŭ prodažy ŭ pačatku nastupnaha hoda. Aptovaja cana — 120 tysiač rubloŭ, roźničnaja — 250 tysiač. «Ale bližej da studzienia situacyja na rynku moža pamianiacca, — havoryć pradstaŭnik pradpryjemstva. — Heta raźlik na siońnia».
Vystava «BiełTEKŚlehpram. Vosień-2015» pracuje da 2 kastryčnika ŭ vystavačnym kompleksie «Biełekspa». Tut demanstrujecca pradukcyja biełaruskich, rasijskich, armianskich, tureckich vytvorcaŭ tkanin, abutku, adzieńnia. Ceny na firmiennuju pradukcyju źnižanyja.
