Francyja, Hiermanija, Katar, Saudaŭskaja Aravija, Turcyja, Vialikabrytanija i ZŠA zaniepakojenyja dziejańniami Rasii ŭ Siryi, jakija, jak śćviardžajuć krainy, nakiravanyja na apazicyju i mirnych hramadzian, a nie na terarystyčnuju arhanizacyju «Isłamskaja dziaržava».
Pra heta havorycca ŭ paviedamleńni, jakoje apublikavała MZS Turcyi ŭ piatnicu, 2 kastryčnika.
«My vykazvajem hłybokuju zaniepakojenaść u suviazi z umacavańniem rasijskich vajskovych sił u Siryi i asabliva ŭ suviazi z napadami rasijskich VPS na Chamu, Choms i z učorašniaha dnia na Idlib, jakija pryviali da achviaraŭ siarod mirnych žycharoŭ i nie byli nakiravanyja suprać «Isłamskaj dziaržavy»», — havorycca ŭ paviedamleńni.
Pradstaŭniki krain adznačyli, što takija vajennyja dziejańni Rasiei ŭ Siryi pahražajuć dalejšaj eskałacyjaj i mohuć spryjać bolšamu ekstremizmu i radykalizacyi.
«My zaklikajem Rasijskuju Fiederacyju nieadkładna spynić svaje ataki na siryjskuju apazicyju i mirnych hramadzian i zasiarodzić svaje siły na baraćbie z «Isłamskaj dziaržavaj»», — napisana ŭ zvarocie.