Japonskaja kampanija Sony nazvała nastupny hod vyrašalnym dla svajho padraździaleńnia, jakoje zajmajecca raspracoŭkaj i vytvorčaściu smartfonaŭ.
U kiraŭnictvie kampanii adznačyli, što na taki krok pryjdziecca pajści, kali praca nad smartfonami nie pačnie prynosić prybytak. Pakul što kirunak zastajecca stratnym, niahledziačy na praviedzienuju ŭ kampanii restrukturyzacyju.
Pavodle dadzienych Rejter, na dadzieny momant smartfony Sony Xperia zajmajuć usiaho 1% amierykanskaha rynku i 17,5% rynku ŭ samoj Japonii. Asnoŭnuju kankurencyju im składajuć bolš tannyja anałahi ź inšych azijackich krain.
Apošnija dva hady prodaž smartfonaŭ prynosić kampanii tolki straty.
Tak, čakajecca, što z-za niaŭdač mabilnaha padraździaleńnia Sony kampanija ŭ hetym finansavym hodzie stracić amal paŭmiljarda dalaraŭ. Pry hetym raniej jana ŭžo admoviłasia ad niekalkich stratnych napramkaŭ svajoj dziejnaści, u tym liku vyjšła z kampjuternaha biźniesu.