Saudaŭskaja Aravija ŭ adkaz na avijaŭdary Rasii ŭ Siryi płanuje pavialičyć pastaŭki zbroi trom hrupam siryjskaj uzbrojenaj apazicyi, jakaja damahajecca źmiaščeńnia prezidenta Bašara Asada.
Pa słovach vysokapastaŭlenaha saudaŭskaha čynoŭnika, jaki pažadaŭ zastacca ananimnym, uzbrojenyja hrupy ŭmieranaj apazicyi atrymajuć novuju, sučasnuju zbroju, uklučajučy supraćtankavyja ŭstanoŭki.
Padtrymku atrymajuć apazicyjnyja hrupy, jakija ličacca pamiarkoŭnymi — «Džejš al-Fatch», «Svabodnaja siryjskaja armija» i «Paŭdniovy front», raspavioŭ čynoŭnik, padkreśliŭšy, što radykalnyja hrupoŭki «Džabchat an-Nusra» i «Isłamskaja dziaržava» padtrymki nie atrymajuć.
Pa słovach krynicy, całkam mahčyma, što «ŭmieranaja apazicyja» ŭ Siryi atrymaje i rakiety «ziamla-pavietra». Uličvajučy toje, što Rasija nanosić avijaŭdary nie tolki pa abjektach ID, ale i pa vyšejpieraličanych hrupach, mahčymy scenar prymianieńnia saudaŭskaj zbroi suprać rasijskaj avijacyi.
