Prezident Paŭdniovaj Asiecii Leanid Cibiłaŭ abviaściŭ pra rašeńnie inicyjavać praviadzieńnie refierendumu pa pytańni ŭvachodžańnia respubliki ŭ skład Rasijskaj Fiederacyi.
Pra heta Cibiłaŭ paviedamiŭ padčas sustrečy z pamočnikam prezidenta Rasii Uładzisłavam Surkovym.
«Refierendum, u stanoŭčym vyniku jakoha ja nie sumniavajusia, dazvolić źjadnać naš narod, pryviadzie da abnaŭleńnia i ažyŭleńnia ŭsich stanoŭčych pracesaŭ u hramadstvie», - skazaŭ prezident Paŭdniovaj Asiecii.
Cibiłaŭ padkreśliŭ, što ŭsie kroki pa realizacyi vynikaŭ refierendumu buduć ažyćciaŭlacca tolki pa ŭzhadnieńni z rasijskim bokam.
«Siońniašnija palityčnyja realii takija, što my možam zrabić svoj histaryčny vybar. Pavinny ŭźjadnacca z brackaj Rasijaj i na doŭhija stahodździ harantavać biaśpieku i roskvit Paŭdniovaj Asiecii i jaje naroda», — skazaŭ Cibiłaŭ.
