Ministerstva transpartu Aŭstryi ŭ svajoj zajavie ŭ aŭtorak kłasifikavała latučyja doški jak «nievialikija usiedarožnyja mašyny» i dazvoliła vykarystoŭvać ich «u lubych miescach, dzie vykarystoŭvajucca skiejtbordy».
Meta hetaha paviedamleńnia — dadać «jurydyčnaj jasnaści» ŭ pytańnie ab latučych doškach, zajaŭlajuć u ministerstvie.
Kadr ź filma «Nazad u budučyniu»
21 kastryčnika — klučavaja data ŭ kultavaj kinatryłohii Robierta Ziemiekisa «Nazad u budučyniu». Mienavita ŭ hety dzień 2015 hoda z hoda 1984-ha traplaje hałoŭny hieroj, Marci Makfłaj. Latučyja skiejtbordy, albo chavierbordy — klučavy elemient suśvietu «Nazad u budučyniu».
Asobna ministerstva transpartu Aŭstryi abhavaryła vykarystańnie mahutnych došak madeli «Pitbul», na jakich u filmie Makfłaja pieraśleduje hrupa złodziejaŭ. Dla vykarystańnia takich došak spatrebicca licenzija piłota, zajaviła ministerstva.
U realnym śviecie latučych došak nie isnuje. Ciapier nad pratatypam takaj doški pracujuć niekalki kampanij i startapaŭ.
