15 kastryčnika skončyŭsia abvieščany raniej termin pryjomu prac na konkurs «Čarnobylskaja katastrofa i jaje nastupstvy ŭ pamiaci žycharoŭ Biełarusi».
Adnak pa prośbie tych, chto nie paśpieŭ u čas aformić svaje teksty ese i čyje raboty jašče patrabujuć dapracoŭki, Biełaruski archiŭ vusnaj historyi pradoŭžvaje termin pryjomu konkursnych prac.
Krajniaja data padačy piśmovych rabot na konkurs pieranosicca na 15 śniežnia 2015 hoda.
Vyniki konkursu buduć abvieščany 15 studzienia 2016 hoda na sajcie BAVH.
U suviazi z tym, što ŭžo atrymanyja nami konkursnyja pracy patrabujuć jašče peŭnych karekcirovak, a va ŭdzielnikaŭ konkursu časta ŭźnikajuć pytańni nakont afarmleńnia ci formy pradstaŭleńnia svaich piśmovych rabot, BAVH hatovy davać kansultacyi pa napisańni ese, a taksama akazvać dapamohu ŭ apracoŭcy atrymanych vusnahistaryčnych materyjałaŭ.
Nahadvajem, što pieramožcaŭ čakajuć kaštoŭnyja pryzy (hałoŭny pryz — noŭtbuk). Najlepšyja pracy buduć apublikavanyja, a ich aŭtary zmohuć pryniać udzieł u kanfierencyi naroŭni ź viadomymi navukoŭcami.
