U metach pavyšeńnia efiektyŭnaści dziejnaści pa praduchileńni darožna-transpartnych zdareńniaŭ z pryčyny parušeńniaŭ PDR z boku piešachodaŭ z 21 pa 30 kastryčnika ŭ Minsku pravodzicca śpiecyjalnaje kompleksnaje mierapryjemstva «Piešachod».
Jak paviedamlaje ŭpraŭleńnie DAI HUUS Minharvykankama, padčas praviadzieńnia hetaha mierapryjemstva asabovy skład darožna-patrulnaj słužby asablivuju ŭvahu nadaść avaryjna-niebiaśpiečnym piešachodnym pierachodam i miescam ź vialikaj kolkaściu ludziej. U navučalnych ustanovach i na pradpryjemstvach inśpiektary DAI praviaduć hutarki pa spynieńni i praduchileńni parušeńniaŭ PDR piešachodami.
Za dzieviać miesiacaŭ 2015 hoda na terytoryi Minska adbyłosia 189 najezdaŭ na piešachodaŭ, što składaje amal pałovu ad ahulnaha liku DTZ, u jakich 11 čałaviek zahinuli i 192 atrymali ranieńni.
Asnoŭnyja pryčyny darožna-transpartnych zdareńniaŭ — parušeńnie praviłaŭ pierachodu prajeznaj častki, a taksama nievykarystańnie piešachodami ŭ ciomny čas sutak śviatłoadbiŭnych elemientaŭ. Pry vykarystańni flikieraŭ adlehłaść, ź jakoj vadziciel moža ŭbačyć piešachoda, značna pavialičvajecca. Bieź ich jana składaje 25—40 mietraŭ, a sa śviatłoadbiŭnymi elemientami — 130—140 mietraŭ. Kali vadziciel uklučyŭ dalokaje śviatło, to flikiery dapamohuć ubačyć čałavieka ŭžo prykładna za 400 mietraŭ.
Staličnaja Dziaržaŭtainśpiekcyja nahadvaje, što za parušeńnie praviłaŭ darožnaha ruchu piešachodam, asobaj, jakaja kiruje viełasipiedam, hužavym transpartnym srodkam, ci asobaj, jakaja ŭdzielničaje ŭ darožnym ruchu i nie kiruje transpartnym srodkam, praduhledžana administracyjnaja adkaznaść u vyhladzie štrafu ad adnoj da troch bazavych vieličyń. Za parušeńnie PDR ukazanymi asobami ŭ stanie ałkaholnaha apjanieńnia — štraf ad troch da piaci bazavych vieličyń.
