U Minsku nazirajecca źnižeńnie abjomu impartu tavaraŭ, paviedamiła na pres-kanfierencyi 21 kastryčnika načalnik upraŭleńnia źniešnieekanamičnaj dziejnaści kamiteta ekanomiki Minharvykankama Alaksandra Vialička.
«Na praciahu hoda ŭ Minsku abjom impartu stanovicca ŭsio nižejšym i nižejšym. Nas chvaluje spažyviecki impart. Heta toje, što horad nie zadavalniała zaŭsiody. Kali ŭ nas jość vytvorca kandytarskich vyrabaŭ, naša «Kamunarka», nas ździŭlaŭ rost impartu kandytarskich vyrabaŭ, a taksama abutku, adzieńnia. Na siońniašni dzień situacyja karennym čynam pierałamałasia, i pa šerahu takich pazicyj, jakija zaŭsiody stajali na pieršym miescy (lekavyja srodki, lehkavyja aŭtamabili, kaśmietyčnyja srodki, šakaład, abutak), idzie padzieńnie impartu», — adznačyła Vialička. Pavodle jaje słoŭ, pa vynikach vaśmi miesiacaŭ hetaha hoda impart źniziŭsia na 27,6% u dačynieńni da pakazčyka za anałahičny pieryjad minułaha hoda.
«My taksama niekalki hadoŭ pracujem z tak zvanymi čystymi imparciorami. Kali jany štości pryvoziać, to my prosim ich pracavać z kontrahientami ŭ płanie ekspartnych pastavak. My pravodzim narady z čystymi imparciorami, i štohod kolkaść tych, chto naładžvaje ekspartnyja pastaŭki, raście. Tak, za čatyry hady kolkaść čystych imparcioraŭ źniziłasia z adnoj tysiačy da prykładna 300», — adznačyła načalnik upraŭleńnia.
Pavodle jaje infarmacyi, za studzień—žnivień 2015 hoda 119 čystych imparcioraŭ Minska arhanizavali ekspartnyja pastaŭki na 15,8 młn. dalaraŭ ZŠA.
