Dok Braŭn, jon ža doktar Emiet Łatrop Braŭn, jon ža akcior Krystafer Łojd, jaki vykanaŭ rolu dziŭnaha navukoŭca-vynachodnika mašyny času ŭ tryłohii «Nazad u budučyniu» u sieradu, 21 kastryčnika, zapisaŭ asablivaje pasłańnie. Jano było vykładziena ŭ fejsbuku na aficyjnaj staroncy tryłohii.
U roliku Dok Braŭn, siedziačy ŭ svaim DeLorian, kaža, što budučynia, narešcie, nastupiła.
«Pavodle maich raźlikaŭ, siońnia 21 kastryčnika 2015 hoda. Tak, budučynia akazałasia nie takoj, jakoj my jaje ŭjaŭlali. Ale nie chvalujciesia. Vaša budučynia — takaja, jakim vy jaje zrobicie sami. Dyk zrabicie jaje dobraj», — skazaŭ Dok.
21 kastryčnika 2015 — kančatkovaja kropka maršrutu mašyny času z druhoj častki filma «Nazad u budučyniu». Mienavita ŭ hety dzień 30 hadoŭ tamu z 1985 prybyli Dok Braŭn, Marci MakFłaj i Dženifier Parkier.
