Uzbrojenyja Siły Biełarusi zakupiać partyju BTR-82A. Ab hetym zajaviŭ siońnia ministr abarony Biełarusi Andrej Raŭkoŭ u čas sieminara-praktykuma dla kiraŭnikoŭ respublikanskich ŚMI.
«Idzie prapracoŭka pytańnia ab vydzialeńni hrašovych srodkaŭ na zakupku BTR-82A, jaki staić na ŭzbrajeńni rasijskaj armii i vielmi dobra pakazaŭ siabie ŭ čas bajavych dziejańniaŭ», — skazaŭ kiraŭnik abaronnaha viedamstva.
Razam z tym ministr adznačyŭ, što budzie pradaŭžacca madernizacyja vajennaj techniki. Pavodle jaho słoŭ, kali nabyćcio adnaho BTR-82A budzie kaštavać $900 tys., to kapitalnaja madernizacyja bronietransparciora, jaki staić na ŭzbrajeńni, — kala $300 tys. Pry hetym ich resurs składzie 20-25 hadoŭ.
Kantrakt ab zakupcy BTR-82A Biełaruś i Rasija padpisali ŭ vieraśni na vystaŭcy Russia Arms Expo ŭ Nižnim Tahile.
Raspracoŭkaj i stvareńniem hetych uzoraŭ uzbrajeńniaŭ u Rasii zajmajecca Vajenna-pramysłovaja kampanija, jakaja, u pryvatnaści, vyrablaje bronietransparciory novaha pakaleńnia «Bumieranh».
