MNS i milicyja praviarajuć paddaški i padvały peŭnych budynkaŭ, a taksama nieekspłuatavanyja damy, kab u hetyja miescy nie mieli dostupu asoby biez peŭnaha miesca žycharstva, jakija niaredka stanoviacca vinoŭnikami pažaraŭ. Ab hetym siońnia paviedamiŭ žurnalistam načalnik upraŭleńnia nahladu i prafiłaktyki Ministerstva pa nadzvyčajnych situacyjach Uładzimir Rafalski.
«Usie kinutyja i biezhaspadarnyja budynki viadomy. Ale byvajuć momanty, kali, na žal, abmiežavać dostup i prystavić rabotka da kožnaha doma, składana… Adpracoŭvajucca takija budynki, a taksama paddaški i padvały budynkaŭ, kab nie było tam nikoha pabočnaha, kab dźviery byli začynieny abo zabłakiravany», — skazaŭ pradstaŭnik MNS.
Akramia taho, Uładzimir Rafalski, kamiencirujučy niadaŭni fakt hibieli troch čałaviek pry pažary ŭ nieekspłuatujemym pryvatnym domie, adznačyŭ, što pakul idzie razbor, jaki pravodzić Śledčy kamitet, i dakładnyja pryčyny trahiedyi jašče nie ŭstanoŭleny.
Jon taksama rastłumačyŭ, što pravierki bieshaspadarnych budynkaŭ prachodziać u čas akcyi «Za biaśpieku razam», jakaja pačałasia 20 kastryčnika i pradoŭžycca pa 20 listapada. Da akcyi dałučylisia Ministerstva ŭnutranych spraŭ, Ministerstva pracy i sacyjalnaj abarony, Ministerstva adukacyi, Ministerstva infarmacyi, Ministerstva žyllova-kamunalnaj haspadarki, Ministerstva achovy zdaroŭja i Ministerstva enierhietyki.
Akcent robicca na abśledavańni procipažarnaha stanu damoŭ adzinokich i adzinoka pražyvajučych pažyłych hramadzian, invalidaŭ, a taksama siemjaŭ, u jakich dzieci znachodziacca ŭ sacyjalna niebiaśpiečnym stanoviščy.
