Biełarus Juryj Birčanka sa svaim startapam NWave staŭ pieramožcam prestyžnaha brytanskaha konkursu idej u śfiery internetu rečaŭ (IoT) The BIG Awards, arhanizataram jakoha vystupaje karparacyja Cisco. Finał startap-spabornictva prajšoŭ viečaram 22 kastryčnika ŭ Łondanie, paviedamlaje dev.by.
Konkurs The BIG Awards (The Cisco British Innovation Gateway Awards) viadzie historyju z 2012 hoda i nakiravany na pryciahnieńnie i padtrymku vysokatechnałahičnych startapaŭ z vysokim patencyjałam u śfiery internetu rečaŭ.
U hety hodzie jaho ŭdzielnikami stali bolš za 150 prajektaŭ, ź jakich ekśpiertnaje žury adabrała spačatku 20 paŭfinalistaŭ, a zatym 6 finalistaŭ. Pierad finałam ža šeść ščaśliŭčykaŭ rychtavali na sud žury ŭžo detalovy biznes-płan svaich prajektaŭ, jaki 22 kastryčnika jany i pradstavili ŭ Nacyjanalnym teatry ŭ Łondanie.
