Pahadnieńnie ab svabodnym handli pamiž Ukrainaj i Hiermanijaj nie nakiravana suprać Rasii, zajaviła ŭ piatnicu fiederalny kancler Niamieččyny Anhieła Mierkiel. Hiermanija choča praciahnuć vybudoŭvać ekanamičnyja adnosiny i z Ukrainaj, i z Rasijaj, zapeŭniła kancler, vystupajučy na hiermanska-ŭkrainskaj ekanamičnaj kanfierencyi ŭ Bierlinie.
Reuters.com
«My chočam, kab va Ukrainy byli dobryja ekanamičnyja adnosiny ź Jeŭrapiejskim sajuzam, z Hiermanijaj, ale ŭ toj ža čas i z Rasijaj,» — skazała kancler.
Pa słovach Mierkiel, najaŭnaść paraŭnalna tannaj i kvalifikavanaj rabočaj siły robić Ukrainu pryvabnaj dla zachodnich inviestycyj.
Ukrainski premjer-ministr Arsień Jacaniuk, jaki taksama vystupiŭ na kanfierencyi, zajaviŭ, što ŭ apošnija miesiacy ekanamičnaja situacyja ŭ krainie pačała vypraŭlacca, ale dadaŭ, što dla reformaŭ Ukrainie patrebna dapamoha ES.
Mierkiel i Jacaniuk u piatnicu padpisali pahadnieńnie ab stvareńni hiermanska-ŭkrainskaj handlovaj pałaty.
Uklučeńnie Ukrainy ŭ prastoru svabodnaha handlu Jeŭrapiejskaha sajuza ŭvachodzić u ekanamičnuju častku padpisanaha Piatrom Parašenkam pahadnieńnia ab asacyjacyi Ukrainy ź ES.