Praz 47 hadoŭ na vostravie Skorpijos ŭ Hrecyi zhulali druhoje ŭ historyi viasielle paśla Žaklin Kienedzi i Arystociela Anasisa. Na bierazie mora pabrałasia šlubam dačka adnaho z najbahaciejšych biznesmenaŭ Rasii Dźmitryja Rybałoŭleva — 26-hadovaja Kaciaryna.

Kaciaryna i Chuan

Kaciaryna i Chuan

Z 2013 hoda vostraŭ hreckaha mahnata pierajšoŭ u vałodańnie rasiejskaha biznesmena, jaki padaryŭ Skorpijos dačce. Spadčyńnica miljardnaha bahaćcia vyjšła zamuž za uruhvajskaha finansista — 34-hadovaha Chuana Sartory. Vypusknik Harvardskaha ŭniviersiteta pabudavaŭ karjeru ŭ Šviejcaryi. Tam ža, u Ženievie, para zaklučyła aficyjny šlub.

Vostraŭ Skorpijos

Vostraŭ Skorpijos

Niahledziačy na toje, što hrošaj chapaje ŭ abiedźviuch siemjach, pa prykładzie Anasis i Kenedzi jany vyrašyli admovicca ad pyšnych śviatkavańniaŭ. Viančańnie adbyłosia ŭ carkvie Panahii. Šlub zakachanych zaklučyŭ arcybiskup Bierlinski, Hiermanski i Vialikabrytanski Mark.

Kaciaryna z baćkam

Kaciaryna z baćkam

Dźmitryj Rybałoŭleŭ — etničny biełarus, były staršynia naziralnaha savieta Biełaruskaj kalijnaj kampanii, były faktyčny ŭładalnik «Urałkalija», ciapier pryvatny inviestar, uładalnik futbolnaha kłuba «Manaka». Zajmaje 14-y radok u rejtynhu najbahaciejšych rasiejcaŭ pa viersii Forbes 2015 hoda. Ahulnaje bahaćcie naličvaje 8,5 miljarda dalaraŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?