Hučny i pahroźlivy kryk małpaŭ-ravunoŭ moža śviedčyć ab ich repraduktyŭnaj słabaści, miarkujuć bijołahi. Daśledavańnie mižnarodnaj hrupy navukoŭcaŭ pakazała, što ŭ prymataŭ raźvivajucca abo hučnyja hałasy, abo vialikija jaječki, a voś toje i druhoje adnačasova nie byvaje.
Bijołahi nazyvajuć hetuju źjavu evalucyjnym kampramisam: seksualna słabym samcam dla pryciahnieńnia samak dajecca hučny hołas, jaki pryvablivaje partniorak.
Roźnica ŭ pamierach pałavych orhanaŭ u samcoŭ małpaŭ-ravunoŭ byvaje vielmi značnaj — da 6,5 razoŭ.
Padobnyja evalucyjnyja kampramisy sustrakajucca i ŭ inšych vidaŭ: naprykład, u bujnych asobinaŭ maržoŭ, ciuleniaŭ i marskich ilvoŭ mienšyja hienitalii. U 2012 hodzie było apublikavanaje daśledavańnie, aŭtary jakoha mierkavali, što ŭ śpiermie mužčyn z hučniejšym hołasam mienš śpiermatazoidaŭ, paviedamlaje VVS.
