Pieršyja dva matčy 24-ha tura čempijanatu Biełarusi pa futbole siarod kamand vyšejšaj lihi prajšli ŭ subotu, 24 kastryčnika. Babrujskaja «Biełšyna», jakaja źjaŭlajecca sioleta adnym z pretendentaŭ na pryzavyja miescy ŭ pieršynstvie krainy, razhramiła na svaim poli «Minsk» — 4:0. Staličnaja kamanda taksama zmahajecca za vysokija miescy i tamu paraza na finišy čempijanatu była dla jaje niedarečnaj, piša Jeŭraradyjo.
Na siońnia «Biełšyna» z 42 ačkami zajmaje 3-je miesca, na 4-m miescy znachodzicca salihorski «Šachcior» (40 ačkoŭ), na 5-m miescy — «Minsk» (37). Pakolki jany raźmiaścilisia ŭviersie tablicy vielmi ščylna, to pakul niezrazumieła, jaki z hetych kłubaŭ atrymaje «bronzu», a taksama pucioŭku ŭ Lihu Jeŭropy.
Siońnia ž hulali žodzinskaje «Tarpieda-BiełAZ» i mikaševicki «Hranit» — 2:3.
Zaŭtra, 25 kastryčnika, sustrenucca «Homiel» sa «Słuckam», «Šachcior» z «Viciebskam», BATE z «Naftanam». Nahadajem, što BATE paśpieŭ zavajavać čempijonski tytuł daterminova, tamu dla jaho vynik zaŭtrašniaha matču nie budzie mieć turnirnaha značeńnia.
Skončycca tur 26 kastryčnika ŭ paniadziełak: minskaje «Dynama» zhulaje z mazyrskaj «Słavijaj», a «Nioman» prymie bresckaje «Dynama».
