U piatnicu Džon Kery i Siarhiej Łaŭroŭ praviali pieramovy ŭ Vienie, pryśviečanyja situacyi ŭ Siryi. Foto AP
Ministr zamiežnych spraŭ Rasii Siarhiej Łaŭroŭ zajaviŭ u teleefiry, što Maskva hatovaja pradastavić padtrymku bajcam siryjskaj apazicyjnaj hrupoŭki «Svabodnaja siryjskaja armija» z pavietra ŭ tych rajonach, dzie taja zmahajecca suprać džychadzistaŭ.
«My nie chočam ŭličvać ni kankretna intaresy adnaho Bašara Asada, ni kankretna intaresy adnoj apazicyi, — padkreśliŭ ministr. — My chočam ŭličvać intaresy Siryi. A dla Siryi važna, kab była mirnaja abstanoŭka, jak maha chutčej skončyłasia vajna i kab terarysty nie atrymali šancu zachapić uładu ŭ Damasku, dy i ŭ luboj inšaj častcy Siryi», — adznačyŭ ministr u prahramie «Viestki ŭ subotu», vykazaŭšy ŭpeŭnienaść, što Rasija — adzinaja kraina, jakaja kantaktuje z usimi palityčnymi siłami Siryi.
Akramia taho, u subotu Łaŭroŭ i jaho jehipiecki kaleha Samiech Šukry damovilisia ab supracoŭnictvie va ŭrehulavańni siryjskaha kanfliktu.
«Svabodnaja siryjskaja armija» atrymlivała padtrymku krain Zachadu, adnak z tych časoŭ, jak Rasija pačała nanosić avijaŭdary pa siryjskaj terytoryi, jaje pazicyi, pavodle šerahu śviedčańniaŭ, traplali pad rasijskija abstreły.
