Piśmieńnik, laŭreat litaraturnaj premii Hiedrojcia ŭ 2015 hodzie Viktar Kaźko adznačaje, što Alaksandr Łukašenka demanstruje nieciarpimaje staŭleńnie nia tolki da kankretnaj asoby nobeleŭskaj laŭreatki Śviatłany Aleksijevič, a da ŭsioj kultury, da taho, što maje prykmiety biełaruskaj, jak jon kaža, «sacyjanalnaści»:
«Jamu chočacca, kab my byli jak aviečki ŭ zahonie, słuchali, što skaža pastuch-pravadyr. Ale ŭ mastactvie tak nia moža być. Mastak tamu i mastak, što maje svajo mierkavańnie. I tolki praz adlustravańnie hetaha mierkavańnia moža adbyvacca tvorčaść. Mastaki nia chočuć być u statku, brachać na zahad.
Śviatłana Aleksijevič — asoba, da jakoj prysłuchoŭvajucca. Jak da Kołasa, jak da Kupały. Tamu što ŭ słovach takich litarataraŭ zaŭsiody jość niešta praročaje. Voś Łukašenka i złujecca, što ludzi chutčej prysłuchajucca da Aleksijevič, čym da jaho».
Viktar Kaźko padkreśliŭ, što vielmi vysoka cenić tvorčaść Śviatłany Aleksijevič, ale adznačyŭ, što ŭ «nobeleŭskija kabinety Biełarusi darohu prakłaŭ Vasil Bykaŭ».
