Ałkahol treba vyklučyć ź pieraliku charčovych praduktaŭ. Takuju dumku vykazaŭ haziecie «SB. Biełaruś siehodnia» namieśnik staršyni Pastajannaj kamisii Pałaty pradstaŭnikoŭ pa pytańniach ekałohii, pryrodakarystańnia i čarnobylskaj katastrofy Mikałaj Ivančanka.
Takaja prapanova ŭžo nakiravana kaleham Mikałaja Ivančanki dla mahčymaha ŭniasieńnia ŭ prajekt zakona ab papraŭkach u zakon «Ab jakaści i biaśpiecy charčovaj syraviny i charčovych praduktaŭ dla žyćcia i zdaroŭja nasielnictva».
«Pakul, na žal, u bolšaści ludziej spracoŭvaje stereatyp, što na samaj spravie ničoha strašnaha va ŭžyvańni śpirtnoha niama, heta ž, pa sutnaści, toj ža pradukt, što i piŭnyja droždžy. Ale jak tolki ałkahol źniknie z usich narmatyŭnych dakumientaŭ, jakija rehulujuć prasoŭvańnie charčovaj pradukcyi, heta ŭžo budzie surjozny sihnał dla pierahladu hramadskaj dumki. Kab u dalejšym na zakonnych padstavach adnieści mocnyja śpirtnyja napitki da narkaźmiaščalnych rečyvaŭ», — cytuje hazieta deputata.
