Kiraŭnik Zakarpackaj abłasnoj dziaržadministracyi Hienadź Maskal napisaŭ zajavu ab adstaŭcy, paviedamiła krynica va ŭradzie Ukrainy. Pryčyny, pavodle jakich Maskal, vyrašyŭ pakinuć svaju pasadu, u zajavie nie ŭkazvajucca, paviedamlajuć ukrainskija ŚMI.
U svaju čarhu krynicy TSN.ua paviedamili, što prezident Ukrainy Piatro Parašenka adchiliŭ prašeńnie ab adstaŭcy.
«Jon sapraŭdy napisaŭ zajavu, ale nikomu nie patłumačyŭ pryčyny, adklučyŭ telefon», — raspavioŭ surazmoŭca ahienctva.
Hienadź Maskal, jaki raniej uznačalvaŭ Łuhanskuju abłasnuju vajenna-hramadzianskuju administracyju, byŭ pryznačany na pasadu kiraŭnika Zakarpackaj vobłaści ŭ lipieni 2015 hoda.
Na hetaj pasadzie Maskal źmianiŭ Vasila Hubala, adpraŭlenaha ŭ adstaŭku paśla kanfliktu ŭ Mukačavie, dzie ŭ pierastrełcy pamiž bajcami «Pravaha siektara» ŭstupili ŭ pierastrełku z ukrainskaj milicyjaj. Tady zahinuli čatyry čałavieki, jašče 11 atrymali ranieńni.