Vilenski akruhovy sud u čaćvier pryznaŭ vinavatym u špijanažy na karyść Biełarusi byłoha rabotnika dziaržpradpryjemstva pasłuh pavietranaj navihacyi Oro navigacija 57-hadovaha Ramualda Lipskaha i prysudziŭ jaho da troch hadoŭ i troch miesiacaŭ pazbaŭleńnia voli.
Asudžany pavinien adbyć pakarańnie ŭ papraŭčym domie. Lipski znachodzicca za kratami z 24 studzienia minułaha hoda, tamu jamu zastaŭsia hod i čatyry miesiacy.
«Sud ustanaviŭ, što, vykonvajučy zadańnie biełaruskaj raźviedki, Lipski źbiraŭ infarmacyju, jakaja cikavić biełaruskuju raźviedku — na pradpryjemstvie Oro navigacija, dzie pracavaŭ, 19 kastryčnika 2012 h sfatahrafavaŭ sakretnyja dakumienty i schiemy, hetu infarmacyju pieradaŭ pradstaŭniku zamiežnaj raźviedki», — abviaściła staršynia kalehii troch sudździaŭ Jurhita Mačonicie.
Pa słovach sudździ, Lipski dziejničaŭ pa ŭkazańni pradstaŭnika biełaruskaj raźviedki Siarhieja Kurulenki — jon kazaŭ mužčynu, jakuju źbirać infarmacyju pra aeraporty, armiju. Ale, pa słovach suda, nie ŭsie sabranyja padčas dasudovaha rasśledavańnia dadzienyja paćvierdzilisia.
Sud adznačyŭ, što paśla 22 kastryčnika 2012, kali Lipski pieradaŭ biełarusu pieršuju infarmacyju, słužbovyja asoby dziejničali niezakonna — choć užo byli vyjaŭleny mahčymyja pahrozy, jakija pravodzili rasśledavańnie słužbovyja asoby nie praduchilili dalejšyja jaho dziejańni.
Hety vierdykt jašče nie ŭstupiŭ u siłu - jaho možna abskardzić ŭ apielacyjnym paradku. Prakuror Redas Savickas prapanoŭvaŭ asudzić Lipskaha na 8 hadoŭ.
Ustanoŭlena, što ŭ svaim pracoŭnym kabiniecie Lipski tajemna fatahrafavaŭ dakumienty i inšyja abjekty. Sabranaja i pieradadzienaja Biełarusi infarmacyja ab litoŭskaj armii, jaje padraździaleńniach, dziaržaŭnych pradpryjemstvach, mieła stratehičnaje značeńnie dla nacyjanalnaj biaśpieki Litvy, ich dziejnaść, abjekty i abstalavańni na hetych pradpryjemstvach.
Lipski viedaŭ, što Kurulenka źjaŭlajecca rabotnikam raźviedki, pastajanna supracoŭničaŭ ź im pa ŭłasnaj voli, raspaviadaŭ jamu pra aeraporty.
Prakuror adznačyŭ, što padčas dasudovaha rasśledavańnia byli sabranyja dadzienyja pra toje, što Kurulenka, jaki časta byvaŭ u Litvie, taksama źbiraŭ infarmacyju, jeździŭ na abjekty litoŭskaj armii, naziraŭ za imi i fatahrafavaŭ — biełaruski ahient byŭ zaŭvažany ŭ aeradroma ŭ Pałuknisie, dzie fatahrafavaŭ vajskovaje padraździaleńnie.
Taksama Kurulenka cikaviŭsia siłami NATA ŭ Litvie, turmami CRU, jakija, mahčyma, byli ŭ Litvie.
Lipski nie pryznaŭ svaju vinu i śćviardžaŭ, što heta pravakacyja.
Pavodle jaho słoŭ, usie arhanizavała «ŭłada, orhany biaśpieki». Z rabotnikam biełaruskaj raźviedki S.Kurulenkam technik pradpryjemstva Oro navigacija paznajomiŭsia prykładna 3 hady tamu padčas mierapryjemstva ŭ haścinicy Villon.
Infarmacyju ab stratehičnych abjektach Lipski źbiraŭ z 2011 hoda da 4 sakavika 2013 hoda, kali ŭ Vilni, na vuł. Daryusa i Hirenasa była zafiksavana jaho apošniaja sustreča z Kurulenkam.
U chodzie rasśledavańnia ŭstanoŭlena, što Lipski na svaim pracoŭnym miescy 19 kastryčnika 2012 hoda ličbavym fotaaparatam sfatahrafavaŭ dakumienty Oro navigacija, źviazanyja ź Vilenskim aeraportam.
U piaci papkach, jakija fatahrafavaŭ Lipski, była infarmacyja ab infrastruktury kampanii Oro navigacija, kamunikacyjnych kanałach, techničnyja dadzienyja roznaha abstalavańnia, a taksama roznaja infarmacyja ab aeraporcie i jaho infrastruktury, techničnaja dakumientacyja ŭźlotnych pałos i inš. Ličbavuju kartu sa zdymkami Lipski pieradaŭ biełarusu praz try dni — 22 kastryčnika.
Na nastupnaj sustrečy, jakaja adbyłasia 4 sakavika 2013 hoda, Lipski abiacaŭ pieradać raźviedčyku infarmacyju ab Zakniajskim aeraporcie, bazie NATA, jaje abaronie, raźmiaščeńni uvachodaŭ na terytoryju aeraporta, płanavanych novych abjektach, a taksama pra toje, jakimi srodkami suviazi i nazirańnia karystajucca vajennyja NATA. Taksama Lipski źbiraŭ infarmacyju pra rabotnikaŭ Zakniajskaha aeraporta.
Miarkujecca, što infarmacyju, sabranuju ŭ Zakniaj, Lipski pieradaŭ biełaruskamu raźviedčyku vusna pry sustrečy. Jon tady paabiacaŭ i dalej supracoŭničać ź Biełaruśsiu i pieradavać roznyja dadzienyja.
U Lipskaha było šmat suviaziaŭ u Biełarusi i Rasii, dzie jon časta byvaŭ. U chodzie rasśledavańnia nie było ŭstanoŭlena, što za pieradadzienuju biełarusu infarmacyju Lipski atrymlivaŭ hrašovuju ŭznaharodu.
