Daždžy i tumany prahnazujucca ŭ Biełarusi ŭ bližejšyja vychadnyja, paviedamiła hałoŭny sinoptyk Respublikanskaha centra pa hidramietearałohii, kantroli radyjeaktyŭnaha zabrudžvańnia manitorynhu navakolnaha asiarodździa Minpryrody Śviatłana Rybakova.
pixabay.com
«U pieršyja dni listapada ŭ Biełarusi ŭstalavałasia typovaje asieńniaje nadvorje. Tumany, hustaja dymka i zasłona słaistaj vobłačnaści nahadvajuć, što na kalendary ŭžo čas poźniaj vosieni. Dziakujučy ciopłym pavietranym masam, što pastupajuć z Atłantyki, tempieraturny fon, u asnoŭnym, utrymlivajecca vyšej za klimatyčnuju normu na 2-5 hradusaŭ. U druhoj pałavinie tydnia chvala ciapła z Atłantyki pajšła na spad, tamu tempieraturny fon krychu panizicca, ale ŭ cełym budzie vyšejšym za normu», — padkreśliła jana.
U piatnicu-subotu, 6-7 listapada, istotnych źmianieńniaŭ u nadvorji nie čakajecca, umovy nadvorja na terytoryi Biełarusi budzie pa-raniejšamu vyznačać vobłaść pavyšanaha atmaśfiernaha cisku, sfarmiravanaja ŭ vilhotnaj pavietranaj masie. Čakajecca vobłačnaje nadvorje. U asobnych rajonach projduć nievialikija daždžy. Miescami zhuścicca tuman. Tempieratura pavietra nočču składzie ad minus 3 da plus 4, tempieratura dniom čakajecca 3-8 hradusaŭ vyšej za nul.
U niadzielu, 8 listapada, nadvorje źmienicca, terytoryja krainy budzie pad upłyvam aktyŭnych atmaśfiernych frantoŭ, jakija pieramiaščajucca z Zachodniaj Jeŭropy. Čakajecca niaŭstojlivaje vietranaje nadvorje. Nočču miescami, ranicaj i dniom na bolšaj častcy terytoryi respubliki projduć karotkačasovyja daždžy roznaj intensiŭnaści. Dniom pa paŭdniova-zachodniaj pałavinie krainy miescami čakajecca mocny paryvisty viecier. Tempieratura pavietra nočču składzie ad nula da plus 6 hradusaŭ, pa ŭschodzie pry prajaśnieńniach prahnazujecca 1-3 hradusy marozu, dniom čakajecca ad plus 5 pa ŭschodzie da plus 13 hradusaŭ pa zachadzie krainy.
U paniadziełak nočču jašče zachavajecca ŭpłyŭ atmaśfiernych frantoŭ, dniom nadvorje abumović vobłaść pavyšanaha atmaśfiernaha cisku i pavietranyja masy, jakija pastupajuć z Bałtyjskaha mora. Nočču na bolšaj častcy terytoryi, dniom miescami projduć karotkačasovyja daždžy. Nočču ŭ asobnych rajonach zachavajecca paryvisty viecier. Tempieratura pavietra nočču składzie 2-8 hradusaŭ vyšej za nul, dniom budzie 5-10 hradusaŭ ciapła, pa paŭdniovym zachadzie pavietra prahrejecca da plus 12 hradusaŭ.
U aŭtorak i sieradu, 10-11 listapada, nadvorje na terytoryi Biełarusi buduć vyznačać atmaśfiernyja franty. Čakajecca niaŭstojlivaje nadvorje. Časam buduć iści daždžy, miescami čakajecca paryvisty viecier. Tempieratura pavietra nočču składzie 2-9 hradusaŭ vyšej za nul, dniom budzie 5-10 hradusaŭ ciapła, pa paŭdniovym zachadzie — da plus 12.
