Hrupa z 7 piensijanieraŭ na čale z pravaabaroncam Tamaraj Siarhiej była zatrymanaja siońnia ranicaj na minskim čyhunačnym vakzale.
Jak paviedamiŭ karespandentu Svabody supracoŭnik milicyi Siarhiej Harkavy, Tamara Siarhiej padazrajecca ŭ kradziažy hrošaj u adnoj z naviednic vakzała, jakaja zaśviedčyła heta.
Piensijaniery ź Minska, Babrujska i Krupak źbiralisia trapić da miesca praviadzieńnia inaŭhuracyi Alaksandra Łukašenki, kab tam sustrecca ź im. Usie zatrymanyja — aktyvisty inicyjatyvy «Suprać biezzakonnaści ŭ sudach».
Tamara Siarhiej znachodzicca ŭ milicejskim pastarunku, nie adpuskajuć i astatnich 6 čałaviek z hrupy.
U dziažurnaj častcy milicyi Čyhunačnaha vakzała dziažurny admoviŭsia nazyvacca i skazaŭ, što «Tamara Siarhiej nie zatrymanaja, ale ciapier pravodzicca pravierka, bo jana padobnaja na złačyncu, jaki ŭčyniŭ złačynstva». Jakoje mienavita - nie skazaŭ.
Tym časam Tamara Siarhiej paviedamiła praz telefon, što padpałkoŭnik Siarhiej Harkavy, jaki jaje zatrymlivaŭ, prymianiŭ da jaje hrubuju siłu. Zaraz jana zastajecca ŭ pastarunku i jaje abšukvajuć.
