Udzielniki mižnarodnych pieramoŭ pa Siryi, jakija adbylisia ŭ subotu, 14 listapada, u Vienie, damovilisia pravieści vybary ŭ Siryi praz paŭtara hoda.
Reuters
Pra heta pa vynikach sustrečy zajaviŭ kiraŭnik MZS Hiermanii Frank-Valter Štajnmajer, piša Reuters.
Pavodle paviedamleńnia, pry hetym pierachodny ŭrad pavinien być sfarmavany na praciahu paŭhoda, a ŭ hety čas budzie rychtavacca novaja kanstytucyja krainy. «Ni ŭ kaho niama iluzij, što heta budzie vielmi składana ažyćciavić», — skazaŭ jon.
Adznačajecca, što ŭdzielniki sustrečy pryjšli da razumieńnia nieabchodnaści pieramirja ŭ samyja karotkija terminy. Pra heta zajaviŭ kiraŭnik MZS Iraka Ibrahim al-Džaafar.
Pieramovy ŭ vienskim hateli «Impieryjał» praciahvalisia bolš za piać hadzin. Baki, u pryvatnaści, uzhadnili pieralik terarystyčnych arhanizacyj, jakija dziejničajuć na terytoryi Siryi.
Udzieł u sustrečy prymali ministry zamiežnych spraŭ amal 20 dziaržaŭ, a taksama pradstaŭniki Lihi arabskich dziaržaŭ, Arhanizacyi isłamskaha supracoŭnictva i Jeŭrasajuza.