Suśvietny Dzień pamiaci achviaraŭ darožna-transpartnych zdareńniaŭ adznačajecca siońnia ŭ Biełarusi.
Dziaržaŭtainśpiekcyja zaklikaje ŭsich vadzicielaŭ uklučyć blizkaje śviatło far — pamiaci ŭsich zahinułych u DTZ — i pryciahnuć uvahu da prablem biaśpieki darožnaha ruchu.
Pradstaŭniki duchavienstva ŭ hety dzień ździajśniajuć paminalnyja słužby i słužby ab zdaroŭi paciarpiełych u DTZ. Śviatary taksama aśviačajuć avaryjna-niebiaśpiečnyja ŭčastki daroh, piešachodnyja pierachody i skryžavańni.
U Minsku za studzień—kastryčnik hetaha hoda zahinuli 40 čałaviek, usiaho ŭ Biełarusi — 688 čałaviek.
Pavodle dadzienych Arhanizacyi Abjadnanych Nacyj, u siarednim u darožna-transpartnych zdareńniach hinuć 1,25 młn čałaviek za hod, 90% ź ich — u krainach ź nizkim i siarednim uzroŭniem dachodu. Asnoŭnaja pryčyna śmierci siarod maładych ludziej va ŭzroście 15—29 hadoŭ — DTZ. Kab pryciahnuć uvahu da hetaj prablemy, u 2005 hodzie Hienieralnaja asambleja AAN pryniała admysłovuju rezalucyju, u adpaviednaści ź jakoj treciuju niadzielu listapada ličycca Suśvietnym dniom pamiaci achviar DTZ.
