Reuters.com
U zonie praviadzieńnia palicejskaj śpiecapieracyi ŭ Bruseli pačuŭsia mahutny vybuch. Jon byŭ čutny daloka za miežami palicejskaha ačapleńnia, jaki achoplivaje zonu radyusam bolš za 300 mietraŭ, za jakim znachodziacca žurnalisty, na skryžavańni vulic Dełanom i Ransfor.
Palicejskija padmacavańni nakiravalisia ŭhłyb kvartała. Na dachach bačna pieramiaščeńnie snajpieraŭ.
Raniej paviedamlałasia, što palicyja pravodziła śpiecapieracyju ŭ brusielskaj kamunie Malenbiek. U chodzie apieracyi byŭ zatrymany mierkavany ŭdzielnik terarystyčnych napadaŭ, učynienych u piatnicu ŭ Paryžy. Im akazaŭsia Sałach Abdesłam, jaki pražyvaŭ u kamunie. Pry jaho zatrymańni vartavyja paradku ŭžyvali šumavyja hranaty.
Paviedamlałasia, što achviar i paciarpiełych u vyniku niama.
Razam z tym fiederalnaja palicyja Bielhii paprasiła ŚMI ŭstrymacca ad publikacyi fatahrafij siłavych dziejańniaŭ u chodzie antyterarystyčnaj apieracyi. «Fiederalnaja palicyja źviartajecca da presy z zaklikam nie publikavać fatahrafii dziejańniaŭ palicyi, jakija pravodziacca ŭ Malenbieku, z taktyčnych mierkavańniaŭ i dziela biaśpieki nasielnictva», — paviedamiŭ pres-sakratar Fiederalnaj palicyi Bielhii Pieter de Vale.
De Vale nie prakamentavaŭ padrabiaznaści apieracyi.
