Mabilnyja bankaŭskija servisy buduć raźvivacca značna bolš chutkimi tempami, čym astatnija kanały bankaŭskich pasłuh, zajaviŭ na pres-kanfierencyi ŭ Minsku načalnik hałoŭnaha ŭpraŭleńnia raźvićcia ličbavych bankaŭskich technałohij Nacyjanalnaha banka Biełarusi Alaksandr Sotnikaŭ.
Jon źviarnuŭ uvahu, što siarod sistem dystancyjnaha bankaŭskaha absłuhoŭvańnia ŭ mabilnaha bankinhu samaja vialikaja dynamika pryrostu kolkaści klijentaŭ za pieršyja dzieviać miesiacaŭ 2015 hoda. Tak, u paraŭnańni sa studzieniem kolkaść jaho karystalnikaŭ pavialičyłasia na 33% da 0,4 młn. čałaviek na 1 kastryčnika.
Jak zaznačyŭ pradstaŭnik Nacbanka, niahledziačy na toje, što internet-bankinh zachoŭvaje ŭpeŭnienyja pazicyi, mabilny bankinh raście. Tolki SMS-bankinh straciŭ raniejšyja abjomy.
Pavodle słoŭ Sotnikava, sioleta dastatkova vialikaja kolkaść bankaŭ abo vyvieła na rynak absalutna novyja mabilnyja rašeńni, mabilnyja dadatki, abo kardynalna pamianiała svaje padychody i praviała inžynirynh isnujučych rašeńniaŭ.
«U pryncypie, uvieś śviet ruchajecca ŭ bok mabilizacyi. I ličby pryrostu ŭ Biełarusi, biezumoŭna, śviedčać, što za mabilnymi bankaŭskimi servisami — budučynia. Jany buduć raźvivacca značna bolš chutkimi tempami, čym astatnija kanały bankaŭskich pasłuh», — padkreśliŭ Sotnikaŭ.
