Onliner.by
Jak paviedamlajecca ŭ pres-relizie kampanii Hilton Worldwide, novaja haścinica na 120 numaroŭ raźmieščanaja na vuł. Tałstoha, 8, i znachodzicca va ŭłasnaści kampanii «Amteł-Prapiertys Deviełapmient Bieł» pad kiraŭnictvam Hilton Worldwide.
Hatel staŭ pieršym abjektam brenda Hampton by Hilton u stalicy Biełarusi.
Hampton by Hilton Minsk City Centre siarod inšaha prapanoŭvaje haściam biaspłatny Wi-Fi, pasłuhi kruhłasutačnaha biźnies-centra z mahčymaściu biaspłatnaj razdrukoŭki dakumientaŭ, čatyry pamiaškańni dla praviadzieńnia naradaŭ ahulnaj płoščaj bolšaj za 150 kv. m i fitnies-centr. U košt pražyvańnia ŭvachodzić haračaje śniedańnie.
Bolš padrabiazna pra taryfy raspaviali partału TUT.BY ŭ samym hateli. Tak, za 2-miascovy standartny numar (z dvuma łožkami abo adnym vialikim) z klijentaŭ paprosiać u vychodnyja 90$, u budni — 102$.
Majucca ŭ hateli taksama «siamiejnyja» numary, jakija ŭklučajuć dva łožki dla darosłych i adnu kanapu (jakuju možna raskłaści dla načlehu dziciaci). U budni taki servis abyjdziecca ŭ 117$, u vychadnyja krychu tańniej - 105 $.