Sierbija abmiežavała ŭjezd mihrantaŭ praz svaje miežy: ciapier kraina prapuskaje tolki biežancaŭ ź Siryi, Iraka i Afhanistana, paviedamlajuć ahienctvy Rejter i Frans Pres sa spasyłkaj na AAN.
Va ŭjeździe ŭ Sierbiju admaŭlajuć afrykancam i azijatam. Abmiežavańni pačali dziejničać u sieradu kala 6 hadzin viečara pa miascovym časie. Mihrantam pryjšłosia viartacca ŭ Makiedoniju.
Adnak, pavodle dadzienych AAN, Makiedonija taksama zakryła miažu kala 3 hadzin nočy. U krainu nie puskajuć emihrantaŭ z Maroka, Pakistana, Šry-Łanki, Sudana i Libieryi. Kala 100 čałaviek u vyniku zatrymalisia pamiž dźviuma miežami.
Rejter dadaje sa spasyłkaj na nienazvanaha čynoŭnika ŭ Sierbii toje, što hetaje rašeńnie źviazana z zajavaj Słavienii taksama nie puskać imihrantaŭ z Afryki i Azii.
Słavienija, pavodle dadzienych ahienctva, patłumačyła svajo rašeńnie tym, što vychadcy z Afryki i Azii źjaŭlajucca ekanamičnymi mihrantami, a nie biežancami.
Bałkanskija krainy — heta asnoŭny šlach dla mihrantaŭ u Paŭnočnuju i Centralnuju Jeŭropu.
