U Charkaŭskaj vobłaści pravaachoŭniki abiasškodzili dyviersanta terarystyčnaj arhanizacyi «Łuhanskaja narodnaja respublika», jaki rychtavaŭ terakt na 21 listapada — hadavinu Revalucyi Hodnaści.
Jak paviedamili ŭ pres-centry Słužby biaśpieki Ukrainy, mužčynu zatrymali 18 listapada.
Pa źviestkach SBU, bajavik prybyŭ u Charkaŭskuju vobłaść z padkantrolnych paŭstancam rajonaŭ Danbasa praz terytoryju Rasijskaj Fiederacyi. Padčas praviadzieńnia masavych mierapryjemstvaŭ u Charkavie z nahody śviatkavańnia hadaviny Revalucyi Hodnaści jon pavinien byŭ vykanać zahad svaich vierchavodaŭ — padrychtavać i ažyćciavić terarystyčny akt.
Supracoŭniki SBU zatrymali bajevika ŭ Źmijeŭskim rajonie, dzie jon chavaŭsia. U złamyśnika kanfiskavanyja bajavyja hranaty F-1 i RHD-5, abrez palaŭničaj strelby z patronami, a taksama vajenny bilet i «ŭznaharody» terarystyčnaj arhanizacyi «ŁNR».
Śledčym adździełam Upraŭleńnia SBU ŭ Charkaŭskaj vobłaści raspačataja kryminalnaja sprava pa art. 201 (kantrabanda bojeprypasaŭ) i art. 263 (niezakonnaje abaračeńnie sa zbrojaj) KK. Śledstva praciahvajecca.