22.55
Palicyja Bielhii praciahvaje pošuki dvaich terarystaŭ, jakija majuć dačynieńnie da napadaŭ u Paryžy 13 listapada, piša Le Soir. Pavodle źviestak vydańnia, u adnaho ź ich moža być pojas śmiarotnika.
Asašyejted pres.
Raniej premjer-krainy Šarl Mišel zajaviŭ, što Brusel byŭ vymušany abviaścić samy vysoki ŭzrovień terarystyčnaj niebiaśpieki paśla źjaŭleńnia infarmacyi ab tym, što ŭ Bielhii mohuć adbycca terakty, anałahičnyja paryžskim. Jość niebiaśpieka, što «niekalki čałaviek sa zbrojaj i vybuchovymi rečyvami mohuć zładzić terakty … moža być, navat u niekalkich miescach», — rastłumačyŭ jon.
21 listapada supracoŭniki bielhijskich śpiecsłužbaŭ aryštavali čatyroch čałaviek, jakija znachodzilisia ŭ padazronym aŭtamabili. Padrabiaznaści incydentu nieviadomyja.
18.05
Palicyja patruluje imihranckija rajony Brusela, subota, 21 listapada, Rojterz.
Ab nieabchodnaści zakryćcia z-za uzrosłaj terarystyčnaj pahrozy ŭsich publičnych budynkaŭ, handlovych centraŭ i rynkaŭ zajaviŭ premjer-ministr Bruselskaha staličnaha rehijonu Rudzi Viervort.
«Ryzyku nielha nazvać nulavoj, ale my možam zrabić usio, što ŭ našych siłach, kab harantavać biaśpieku hramadzian», — cytuje vykazvańni Viervort ahienctva dpa ŭ subotu, 21 listapada.
Admienienyja taksama ŭsie spartyŭnyja mierapryjemstvy, namiečanyja na hetyja vychodnyja, u pryvatnaści, šerah pajadynkaŭ bielhijskaha čempijanatu pa futbole. Siarod ich - hulnia ŭ horadzie Łokierienie, dzie miascovy kłub pavinien byŭ pryniać adnaho ź lideraŭ pieršynstva — brusielski «Anderlecht»
Pryčynaj admieny matču na aficyjnym sajcie kłuba nazvanaja niemahčymaść harantavać biaśpieku.
***
Raniej nacyjanalny kryzisny centr Ocam zajaviŭ, što dla brusielskaha rehijonu ŭvodzicca maksimalny ŭzrovień terarystyčnaj pahrozy ŭ suviazi z najaŭnaściu «niepasrednaj» i «vielmi surjoznaj pahrozy». Urad Bielhii patłumačyła heta niebiaśpiekaj teraktaŭ z prymianieńniem zbroi i vybuchoŭki.
***
Bielhija ŭpieršyniu pavysiła ŭzrovień terarystyčnaj pahrozy dla stalicy krainy Brusiela da maksimalnaha. Isnuje «niepasrednaja» i «vielmi surjoznaja pahroza» dla Brusiela i navakolla, abviaściŭ ranicaj u subotu, 21 listapada, nacyjanalny kryzisny centr Ocam paśla «novaha analizu» situacyi.
Ocam zaklikaŭ hramadzian paźbiahać natoŭpu, naprykład, na kancertach i vakzałach. Ułady taksama rekamiendavali prypynić pracu brusielskaha mietro. Dalejšaja infarmacyja budzie raspaŭsiudžvacca na praciahu dnia, kab «nie pieraškadžać śledstvu».
