U druhim pieryjadzie matča kantynientalnaha Kantynientalnaha Kubka pamiž salihorskim «Šachcioram» i polskim «Tychy», što prajšoŭ u francuzskim Ruanie, adbyłosia surjoznaje zdareńnie.
«18 biełaruskich zaŭziataraŭ padtrymlivali kamandu. Dvoje polskich pravakataraŭ padyšli da biełaruskaha siektaru i stali abražać biełarusaŭ i raspuskać ruki, paśla čaho zaviazałasia bojka. Z polskaha siektara adrazu vyłučyłasia kala 50 fanataŭ, mnohija ź jakich chavali tvary maskami. Za biełarusaŭ zastupilisia francuzskija zaŭziatary, i tolki potym u spravu ŭmiašałasia achova, jakaja nie dała razharecca poŭnamaštabnaj bojcy i adcisnuła polskich fanataŭ nazad na ich siektar.
Z-za hetaha zdareńnia navat byŭ pierapynieny sam matč. Paśla hulni palicyja spačatku vyvieła ŭsich polskich fanataŭ z areny, a zatym pravodziła biełarusaŭ u hatel. Ź biełaruskich zaŭziataraŭ nichto surjozna nie paciarpieŭ. A voś pra dvuch polskich pravakataraŭ hetaha skazać nielha», — paviedamiŭ adzin z zaŭziataraŭ.
