Prezident ZŠA Barak Abama ličyć, što dla Rasii nastaŭ čas pryniać «stratehičnaje rašeńnie» adnosna baraćby z «Isłamskim dziaržavaj», a nie z «pamiarkoŭnaj apazicyjaj», jakaja supraćstaić režymu Bašara Asada. Abama adznačyŭ, što «Isłamskaja dziaržava» — heta zabojcy ź vialikim upłyvam u sacyjalnych sietkach.
Abama vystupiŭ na pres-kanfierencyi ŭ Kuała-Łumpury paśla zaviaršeńnia samitu ASIEAN. Kiraŭnik Biełaha doma źviarnuŭsia z napaminam da prezidenta Rasii Uładzimira Pucina adnosna tych, chto źbiŭ rasijski pasažyrski samalot. Abama padkreśliŭ, što ŭ hibieli rasijskaha samalota i 224 čałaviek na borcie vinavataja «Isłamskaja dziaržava». «Pucinu treba zmahacca z tymi, chto zabiŭ rasijskich hramadzian», - skazaŭ Abama.
Abama zajaviŭ ab nieabchodnaści źniščyć hrupoŭku «Isłamskaja dziaržava». Jon supraćpastaviŭ dziejańniam ekstremistaŭ naturalnaje žadańnie bolšaści ludziej žyć u miry. Stralać pa restaranach i kafe - nie stanie «novaj normaj» paŭsiadzionnaha žyćcia, zajaviŭ Abama. Jon zapeŭniŭ, što «Isłamskaja dziaržava» budzie źniščana i terytoryi, na jakich jano abapirajecca, «buduć advajavanyja».
