U liście premjer-ministru Ukrainy Arsieniu Jacaniuku jon prapanavaŭ stvaryć pracoŭnuju hrupu dla vyvučeńnia hetaha pytańnia i padrychtoŭki prajekta adpaviednaha rašeńnia. Da pryniaćcia kančatkovaha rašeńnia Parašenka prapanuje spynić hruzavoje aŭtamabilnaje i čyhunačnaje złučeńnie z Krymam, paviedamlaje jaho pres-słužba.
Prezident Ukrainy adznačaje, što adnoj z pryjarytetnych zadač orhanaŭ dziaržaŭnaj ułady na siońnia źjaŭlajecca vyznačeńnie madeli dalejšych adnosin Ukrainy z časova akupavanaj terytoryjaj AR Krym.
«Apošni čas istotna abvastryłasia supraćstajańnie pamiž hramadskimi aktyvistami i akupacyjnymi ŭładami Kryma. Raspačaty šerah kryminalnych spraŭ suprać inicyjataraŭ handlovaj błakady Kryma. Inicyjatary biesterminovaj akcyi błakavańnia pastavak ukrainskich tavaraŭ na Krymski paŭvostraŭ, jakaja pačałasia 20 vieraśnia, patrabujuć całkam spynić handlovyja adnosiny z akupavanaj terytoryjaj», — arhumientuje ŭ liście kiraŭnik dziaržavy nieabchodnaści spynieńnia hruzavoha transpartnaha złučeńnia z Krymam.
U svaju čarhu, premjer Arsień Jacaniuk padtrymlivaje spynieńnie hruzavoha tavaraabarotu z Krymam.
Kiraŭnik MUS Ukrainy Arsien Avakaŭ prapanuje spynić tavarapatok z Krymam rašeńniem ukrainskaha ŭrada, piša gazeta.ua.
«Va ŭmovach dyviersijna-terarystyčnych pahroz, pry jakich jość masavyja hramadzianskija pratesty, liču nieabchodnym spynić tavarapatok z RF i dalej kamisijna prymać rašeńni, z zaprašeńniem krymskatatarskaha Miedžlisa», — zajaviŭ Avakaŭ na ekstranym pasiadžeńni Kabinieta ministraŭ Ukrainy.
