Rasijski bambardziroŭščyk Su-24 nie parušaŭ pavietranaj prastory Turcyi, śćviardžaje ministerstva abarony Rasii.
«Analiz dadzienych abjektyŭnaha kantrolu adnaznačna pakazaŭ, što parušeńnia pavietranaj prastory Turcyi nie było», — havorycca ŭ paviedamleńni, apublikavanym na sajcie MA RF.
Pa viersii minabarony, rasijski vajenny samalot Su-24 pry viartańni na avijabazu «Chmiejmim» byŭ źbity tureckim źniščalnikam F-16 na terytoryi Siryjskaj Arabskaj Respubliki.
Turcyja paviedamiła, što rasijski bambardziroŭščyk byŭ źbity paśla taho, jak parušyŭ pavietranuju miažu krainy, niahledziačy na nieadnarazovyja papiaredžańni.
MZS Turcyi zaprasiŭ pradstaŭnikoŭ piaci krain — pastajannych siabroŭ Rady Biaśpieki AAN (ZŠA, Rasii, KNR, Brytanii i Francyi) i prainfarmavaŭ ich pra incydent, paviedamlaje Rejter.