AFP
U chodzie pošukava-vyratavalnaj apieracyi na miescy padzieńnia Su-24 u Siryi zahinuŭ rasijski marski piachotnik-kantraktnik, zajaviŭ rasijski hienštab.
Rasijskija vajskoŭcy pryznali taksama stratu adnaho viertalota Mi-8 na miescy krušeńnia Su-24. Na borcie viertalota i znachodziŭsia zahinuły marpiech. Taksama rasijskaje kamandavańnie miarkuje, što adzin ź piłotaŭ źbitaha turkami Su-24 zahinuŭ.
«U metach evakuacyi rasijskich lotčykaŭ ź miesca pryziamleńnia była praviedziena pošukava-vyratavalnaja apieracyja z pryciahnieńniem dvuch viertalotaŭ Mi-8. U chodzie apieracyi adzin ź viertalotaŭ ŭ vyniku ahniu z strałkovaj zbroi atrymaŭ paškodžańni i ździejśniŭ vymušanuju pasadku na niejtralnaj terytoryi. Adzin marski piechaciniec-kantraktnik zahinuŭ», — paviedamiŭ pradstaŭnik hienštaba hienierał-lejtenant Siarhiej Rudskoj.
«Praviedzienymi dziejańniami asabisty skład pošukava-vyratavalnaj hrupy i ekipaž viertalota byli evakujavany i ŭ ciapierašni čas znachodziacca na avijacyjnaj bazie «Chmiejmim». Z terytoryi, padkantrolnaj bandfarmavańniam, minamiotnym ahniom viertalot byŭ źniščany», — skazaŭ hienierał.
