Pra heta paviedamiŭ hałoŭny architektar UP «Minskhrada» Alaksandr Akienćjeŭ padčas abmierkavańnia hienpłana stalicy z deputatami Minharsavieta.
«Zhodna z hienpłanam, usim hałoŭnym praśpiektam horada zareziervavana pa dva dublory. Da 2020 hoda płanujecca pačać farmiravańnie dublora praśpiekta Niezaležnaści. Taksama havorka idzie ab nieabchodnaści padziełu patokaŭ u mahiloŭskim i homielskim kirunkach — praciahu vuł. Majakoŭskaha z vychadam na vuł. Čyžeŭskich. Heta dazvolić istotna źnizić nahruzku na prasp. Partyzanski», — skazaŭ Alaksandr Akienćjeŭ.
Jon taksama nahadaŭ, što ŭ Minsku płanujecca raźvivać radyjalna-kalcavuju transpartnuju sistemu. Prapusknuju zdolnaść staličnych vulic dapamohuć pavialičyć try transpartnyja kolcy. Zhodna z novaj redakcyjaj hienieralnaha płana, čaćviortuju liniju mietro taksama zrobiać kalcavoj. Jak miarkujecca, jana budzie składacca z 17 stancyj, ź ich šeść utvarajuć pierasadkavyja vuzły.
Akramia taho, u stalicy źjavicca novy vid pasažyrskaha transpartu — chutkasny tramvaj, jaki ŭ pierśpiektyvie źviaža horad z Łahojskam, Kitajska-biełaruskim industryjalnym parkam, pasiołkam Sokał i Nacyjanalnym aeraportam Minsk. Pa słovach śpiecyjalistaŭ, taki vid transpartu pa šerahu paramietraŭ pieraŭzychodzić mietrapaliten. Tak, pa abjomach pieravozak jon nie sastupaje padziemcy, a vydatki na jaho ŭźviadzieńnie istotna nižejšyja. Siaredniaja chutkaść ruchu takoha tramvaja — kala 40 km/h (tradycyjnaha tramvaja — prykładna 12 km/h).
