Biełaruś z 1 śniežnia panižaje ekspartnyja pošliny na naftu i naftapradukty, vyvozimyja za miežy mytnaj terytoryi Jeŭrazijskaha ekanamičnaha sajuza. Heta rašeńnie zamacavana pastanovaj Savieta Ministraŭ numar 985 ad 26 listapada 2015 hoda, paviedamili ŭ pres-słužbie ŭrada.
Staŭka ekspartnaj pošliny na syruju naftu budzie panižana z $97,1 da $88,4 za 1 t. Pošlina na pramahonny bienzin źnizicca z $82,5 da $75,1 za 1 t, na tavarnyja bienziny - z $75,7 da $68,9 za 1 t.
Pošlina na lohkija, siarednija dystylaty składzie $42,4 za 1 t (była $46,6). Takaja ž staŭka pošliny ŭstanoŭlena i adnosna dyzielnaha paliva, bienzołu, tałuołu, ksiłołaŭ, zmazačnych i inšych masieł.
U papiaredni raz staŭki vyvaznych mytnych pošlin adnosna syroj nafty i asobnych katehoryj tavaraŭ, vypracavanych z nafty, źmianialisia 1 listapada. Tady jany byli pavyšanyja.
