MUS Čačni pačało padličvać kolkaść malitvaŭ za praroka Muchamieda, jakija pramaŭlajuć palicyjanty. Adpaviednaje rasparadžeńnie addaŭ ministr unutranych spraŭ respubliki Rusłan Ałchanaŭ.
U pieryjad z 20 listapada da kanca śniežnia kožny čačenski palicejski pavinien vymavić 300 tysiač malitvaŭ. Pry hetym dazvalajecca ŭličvać malitvy, vymaŭlenyja členami siemjaŭ supracoŭnikaŭ MUS.
Kiraŭniki padraździaleńniaŭ palicyi pavinny štotydzień davać spravazdaču ab kolkaści malitvaŭ pierad štabam MUS.
Z punktu hledžańnia farmalnaściaŭ patrabavańnie ad padnačalenych davać spravazdaču ab kolkaści malitvaŭ niekarektnaje, ličyć lidar prafsajuza maskoŭskaj palicyi Michaił Paškin. «U nas usio-tki relihija adździelenaja ad dziaržavy. U asabistaj hutarcy abmiarkoŭvać hetyja pytańni — adno, ale padličvać — heta pierahib», — ličyć Paškin.
