Prezident Turcyi Redžep Taipam Erdahan vykazaŭ škadavańnie paśla taho, jak tureckija vajennyja źbili rasijski samalot Su-24. Pra heta ŭ subotu paviedamlaje Associated Press.
AP
«My b chacieli, kab hetaha nie adbyłosia, ale heta adbyłosia. Ja spadziajusia, padobnaje nie paŭtorycca znoŭ», — skazaŭ Erdahan.
Jon dadaŭ, što abodva baki pavinny znajści pazityŭny padychod da pytańnia.
Erdahan skazaŭ, što chacieŭ by sustrecca z Uładzimiram Pucinym na klimatyčnym samicie ŭ Paryžy, jaki projdzie na nastupnym tydni. Jon ličyć, što sustreča stanie mahčymaściu źnizić napružanaść u adnosinach pamiž krainami.
Raniej Erdahan kazaŭ, što tureckija vajskoŭcy nie viedali, što stralajuć pa rasijskim samalocie.
«Stroha ŭ ramkach pryniatych i abvieščanych nami raniej praviłaŭ reahavańnia na pahrozy ŭ adnosinach da jaho było pradpryniata ŭmiašańnie», - kazaŭ jon.
***
Z pačatku kastryčnika rasijskija samaloty niekalki razoŭ parušali pavietranuju prastoru Turcyi. Ułady Turcyi asudzili hetyja fakty, paśla čaho praviali ź Minabarony kansultacyi dla praduchileńnia incydentaŭ u pavietranaj prastory na turecka-siryjskaj miažy.
Premjer krainy Achmiet Davutahłu 17 kastryčnika skazaŭ, što Turcyja budzie źbivać samaloty, jakija ŭryvajucca ŭ jaje pavietranuju prastoru.